Често посакуваме да направиме промена на стилот на живот, но за жал не е реткост да се соочиме со предизвици кои ни ја попречуваат таа наша цел.
Тие предизвици некогаш и самите си ги поставуваме преку дефинирање на цели со огромен обем кои е практично невозможно да ги исполниме од почеток, по што се намалува нашата мотивација и губиме желба за понатамошно практикување на дефинираните активности.
Во продолжение може да погледнете неколку реалистични и едноставни совети кои може да помогнат при остварување на целта за воведување на здравиот начин на живот во секојдневието.
- Конзумирајте повеќе зеленчук
Ова не само што е лесно остварлива цел, туку може да допринесе освен за вашето здравје и за зголемување на вашиот буџет.
Во однос на здравјето, замената на одредена количина на нездрава храна со зеленчук може да доведе до намалување на ризиците од инфаркт, рак и прерана смрт. - Заменете ги зрната со интегрални
Исклучително е важно во што е можно поголема мера да го намалите конзумирањето на леб, а остатокот кој го конзумирате да биде направен од цели зрна или со зголемено количество на трици.
Многумина посегнуваат по белите пецива сметајќи дека се повкусни, но квалитетно направен леб и пецива од цело зрно имаат значително побогат вкус и арома. - Зголемете ја физичката активност
Доколку немате мотивација тоа да го направите преку вежбање, посета на вежбална или пак преку надворешни активности, обидете се да не користите превоз кога излегувате од вашиот дом и одете на работа пеш. - Засилете ги вашите пријателства
Пријателствата во значителна мера влијаат на здравиот начин на живот и тоа од повеќе аспекти.
Имаат можност да го одржат нашето ментално здравје, но истовремено да ни обезбедат и поддршка во спроведување на другите активности, а вистинските пријатели често се рамо до рамо со нас и при спроведување на вежбите во насока на подобрување на физичката состојба. - Контролирајте го стресот
Стрестот во значителна мера придонесува за нарушување на здравствената состојба и губење на мотивацијата за подобрување на стилот на живот. Токму поради тоа најдобро е не само да се избегнуваат предизвикувачите на стресот, туку доколку тоа е можно, комплетно да се елиминираат.
Ова се само некои лесно спроведливи активности кои истовремено претставуваат значајни фактори за подобрување на начинот на живот. Со сигурност можете да пронајдете уште доколку направите анализа на вашето секојдневие и откриете што се ве спречува во водењето на здрав, среќен и исполнет живот.
Напишете коментар